ఏపీలో పోలీస్‌ శాఖలో భారీగా SI, కానిస్టేబుల్ ఉద్యోగాలు.. 2,050 పోస్టుల భర్తీకి నోటిఫికేషన్లు!

WhatsApp Group Join Now

AP Police Jobs 2026: ఏపీలో 2,050 పోలీస్ ఉద్యోగాలు.. SI, కానిస్టేబుల్ పోస్టులు

ఆంధ్రప్రదేశ్‌లో పోలీస్ ఉద్యోగాల కోసం సిద్ధమవుతున్న నిరుద్యోగులకు కీలక అప్‌డేట్ వచ్చింది. రాష్ట్రంలోని పోలీస్ శాఖతో పాటు అగ్నిమాపక, జైళ్లు, ఫోరెన్సిక్ తదితర అనుబంధ విభాగాల్లో భారీగా ఉద్యోగాల భర్తీకి నోటిఫికేషన్లు జారీ అయ్యాయి.

ఆంధ్రప్రదేశ్ స్టేట్ లెవల్ పోలీస్ రిక్రూట్‌మెంట్ బోర్డు (APSLPRB) ఆధ్వర్యంలో మొత్తం 2,050 పోస్టుల భర్తీకి నియామక ప్రక్రియ చేపట్టనున్నారు. ఇందులో సబ్ ఇన్‌స్పెక్టర్ (SI), పోలీస్ కానిస్టేబుల్ (PC), ఫైర్‌మెన్, వార్డర్, సైంటిఫిక్ అసిస్టెంట్, డ్రైవర్, మెకానిక్ వంటి వివిధ పోస్టులు ఉన్నాయి.

AP Police Jobs 2026: పోస్టుల పూర్తి వివరాలు ఇవే

మొత్తం 2,050 పోస్టుల్లో 438 సబ్ ఇన్‌స్పెక్టర్ పోస్టులు ఉన్నాయి. వీటిలో సివిల్ విభాగంలో 253, ఆర్మ్డ్ రిజర్వ్‌లో 116, స్పెషల్ ప్రొటెక్షన్ ఫోర్స్‌లో 9, కమ్యూనికేషన్స్ విభాగంలో 50, పోలీస్ ట్రాన్స్‌పోర్ట్ ఆర్గనైజేషన్‌లో 10 పోస్టులు ఉన్నాయి.

అలాగే 1,156 కానిస్టేబుల్ పోస్టుల భర్తీకి కూడా నోటిఫికేషన్‌ జారీ అయింది. వీటిలో సివిల్, ఆర్మ్డ్ రిజర్వ్, ఫైర్, జైళ్లు, కమ్యూనికేషన్స్, పోలీస్ ట్రాన్స్‌పోర్ట్ ఆర్గనైజేషన్‌కు సంబంధించిన పోస్టులు ఉన్నాయి.

పోలీస్ కమ్యూనికేషన్స్ విభాగంలో 200 కానిస్టేబుల్ పోస్టులు ఉండగా, పోలీస్ ట్రాన్స్‌పోర్ట్ ఆర్గనైజేషన్‌లో డ్రైవర్లు, మెకానిక్ పోస్టులు ఉన్నాయి.

NIT Office Attendant Recruitment 2026
12th అర్హతతో ప్రభుత్వ ఉద్యోగాలు.. నెలకు రూ.18,000 బేసిక్ పే!

రాష్ట్ర విపత్తు ప్రతిస్పందన, అగ్నిమాపక సేవల శాఖలో 158 ఫైర్‌మెన్ పోస్టులు భర్తీ చేయనున్నారు. జైళ్లు, సంస్కరణ సేవల శాఖలో 171 వార్డర్ పోస్టులు ఉన్నాయి. వీటిలో పురుష, మహిళా వార్డర్ పోస్టులు ఉన్నట్లు వివరాలు వెల్లడయ్యాయి.

ఫోరెన్సిక్ సైన్స్ ల్యాబొరేటరీలో 43 సైంటిఫిక్ అసిస్టెంట్ పోస్టులు ఉన్నాయి. ఇందులో ఫిజికల్ విభాగంలో 10, కెమికల్ విభాగంలో 13, బయాలజీ/సెరాలజీ విభాగంలో 20 పోస్టులు ఉన్నాయి.

పోస్టుల విభాగాల వారీగా చూస్తే.. SI (SPF) 9, SI (కమ్యూనికేషన్) 50, SI (PTO) 10, సైంటిఫిక్ అసిస్టెంట్ (FSL) 43, PC (సివిల్/AR) 827, ఫైర్‌మెన్ 158, వార్డర్ 171, PC (కమ్యూనికేషన్) 200, PC (మెకానిక్స్/డ్రైవర్లు) 213 పోస్టులు ఉన్నాయి. వీటికి అదనంగా SI సివిల్, SI ఆర్మ్డ్ రిజర్వ్ పోస్టులు కలిపి మొత్తం 438 SI పోస్టులు ఉన్నాయి.

అభ్యర్థులు పోస్టుల వారీగా అర్హతలను తప్పనిసరిగా పరిశీలించాలి. కొన్ని పోస్టులకు విద్యార్హతలతో పాటు వయోపరిమితి, శారీరక ప్రమాణాలు, డ్రైవింగ్ లేదా సంబంధిత సాంకేతిక అర్హతలు అవసరం కావచ్చు.

ఆన్‌లైన్ దరఖాస్తు తేదీలు, ప్రిలిమినరీ రాత పరీక్ష తేదీలు, పోస్టుల వారీగా విద్యార్హతలు, వయోపరిమితి, రిజర్వేషన్లు, ఎంపిక విధానం, పరీక్షా విధానం వంటి పూర్తి వివరాలను APSLPRB అధికారిక నోటిఫికేషన్‌లో వెల్లడించనుంది.

District Court Typist cum Assistant Recruitment 2026
ఆంధ్రప్రదేశ్ జిల్లా కోర్టులో ఉద్యోగాలు.. రూ.25,220 జీతం!

అందువల్ల పోలీస్ ఉద్యోగాలకు సిద్ధమవుతున్న అభ్యర్థులు అధికారిక నోటిఫికేషన్‌ను పూర్తిగా చదివిన తర్వాతే దరఖాస్తు చేసుకోవాలి. ముఖ్యంగా పోస్టుకు సంబంధించిన అర్హతలు, వయస్సు, ఫిజికల్ స్టాండర్డ్స్, పరీక్ష విధానం, దరఖాస్తు గడువు వంటి అంశాలను ముందుగానే పరిశీలించుకోవడం అవసరం.

ఈ నియామకాల్లో పెద్ద సంఖ్యలో పోస్టులు ఉండటంతో పోలీస్, ఫైర్, జైళ్లు, ఫోరెన్సిక్ విభాగాల్లో ఉద్యోగాల కోసం ఎదురుచూస్తున్న అభ్యర్థులకు దరఖాస్తు చేసుకునే అవకాశం లభించనుంది.

WhatsApp Group Join Now

Leave a Comment

WhatsApp